Britania dhe Holanda po punojnë me një koalicion ndërkombëtar për të ndihmuar Ukrainën të sigurojë avionët luftarakë F-16 që kievi thotë se janë të domosdoshëm për mbrojtjen ndërsa rusia intensifikon sulmet ajrore, tha një zëdhënës i kryeministrit britanik Rishi Sunak. Dy aleatët e NATO-s po përpiqen të sigurojnë avionët e prodhuar nga SHBA për Ukrainën, si edhe të trajnojnë pilotët e kievit që ti drejtojnë ata, mësohet në një përmbledhje pas takimit mes Sunak dhe kryeministrit holandez Mark Rutte në samitin e këshillit të evropës në Islandë. Ukraina, që thotë se avionët janë thelbësorë për tu mbrojtur nga sulmet ruse, e mirëpriti njoftimin e liderëve britanikë dhe holandezë. “Ne kemi nevojë për F-16at dhe unë jam mirënjohës ndaj aleatëve tanë që kanë vendosur të punojnë në këtë drejtim”, tha Andriy Yermak, shef i zyrës së presidentit Volodimir Zelenski. Yermak tha se belgjika, një tjetër vend aleat i NATO-s, po ashtu kishte konfirmuar gadishmërinë për të trajnuar pilotët ukrainas. Britania e madhe nuk ka F-16 në forcën e saj ajrore por holanda dhe belgjika po. Forca ajrore amerikane ndërkohë ka rreth 800 F-16a në flotën e saj. Duke folur në britaninë e madhe të hënën, zelenski mirëpriti premtimet e reja për ndihma ushtarake nga liderët evropianë por përsëriti kërkesën për avionë luftarakë modernë. Forca ajrore amerikane i konsideron F-16at, që për herë të parë kanë fluturuar në 1978-ën, si sisteme relativisht me kosto të ulët por me performancë të lartë. Avioni me një motor mund të përfshihet në luftime ajër-ajër dhe ajër tokë, fluturon në cdo lloj moti dhe ka një rreze prej 860 kilometrash. Flota ukrainase për momentin ka vetëm avionë të erës sovjetike.