Serbia e ka gjetur veten në një situatë të vështirë pasi u zbulua se ushtria ukrainase përdor raketa të prodhuara në serbi. Mediat ruse kanë raportuar prej ditësh se 3500 raketa M-21 GRAD, 122 milimetërshe i janë dorëzuar ushtrisë ukrainase nga fabrika serbe e armëve Krusik në Valjevë, duke kaluar përmes Turqisë dhe Sllovakisë. Ato kanë shkruar se lajmi është shqetësues dhe zhgënjyes nëse Serbia, si aleate e rusisë, punon pas shpinës të moskës, në kundërshtim me deklaratat e saj për neutralitet në konflikt. Në fakt, sikleti qëndron në faktin se Serbia pozicionohet si aleate historike e rusisë, nuk ka mbështetur sanksionet e BE-së ndaj saj ndërkohë që deklarohet neutrale. Moska, duke e llogaritur Beogradin si aleat, nuk është aspak e kënaqur. Zëdhënësja e ministrisë së jashtme ruse, reagoi menjëherë pas publikimit të lajmit duke shprehur shqetësim për shitjen e mundshme të armëve serbe në ukrainë dhe kërkoi një shpjegim zyrtar. Sipas mediave ruse, ajo ka thënë se Kremlini po e shqyrton këtë histori me shumë kujdes, por moska nuk është e sigurt për mohimet nga pala serbe.