Mali i Zi vijon të zhytet në krizë të mëtejshme politike pasi Parlamenti i vendit fqinj ka votuar për shkarkimin e dy ministrave pro-perëndimorë të kryeministrit në detyrë, Dritan Abazovic. Dyzet e një deputetë pro-serbë, në Parlament votuan për shkarkimin e ministrit të Jashtëm, Ranko Krivokapic, dhe ministrit të Mbrojtjes, Rashko Konjevcq. Kampet pro-serbe dhe pro-ruse në Mal të Zi po tentojnë të shkarkojnë nga detyra presidentin pro-perëndimor, Milo Gjukanovic, dhe ta dërgojë para gjykatës nën akuzat për korrupsion. Qeveria e Abazovicit është në detyrë, pasi Parlamenti votoi një mocion mosbesimi ndaj ekzekutivit në gusht të këtij viti. Abazovic raportohet se votoi pro shkarkimit të dy ministrave duke i akuzuar se kishin punuar kundër interesave të qeverisë. Në gusht, Abazovic nënshkroi një marrëveshje me Kishën Ortodokse Serbe, e cila për shumë kritikë e kundërshtarë të saj nuk njeh identitetin e Malit të Zi si shtet i veçantë. Ai argumentoi se akordi me Kishën do të ndihmonte në tejkalimin e ndarjeve të thella të brendshme. Zgjedhjet e reja ende nuk janë thirrur sepse nuk ka shumicë në Parlament.