Media prestigjoze ‘The Times’ i ka dedikuar një artikull atraksioneve turistike në Shqipëri. Krahas bukurive natyrore dhe trashëgimisë historike dhe kulturore, në artikull nënvizohen markat ndërkombëtare dhe investimet premtuese që e kthejnë Shqipërinë në destinacionin e duhur për pushuesit. “Ivanka Trump dhe Jared Kushner, të cilët kanë kaluar verën me jaht midis plazheve të Shqipërisë, po ndërtojnë një hotel të markës Aman në Sazan, ishullin më të madh të Shqipërisë. Disa marka ndërkombëtare kanë hapur gjithashtu pikat e tyre në Shqipëri, teksa një aeroport pritet të hapet në Vlorë, një qytet në bregdet që do të vendosë në qendër të vëmendjes Shqipërinë këtë verë.” – thuhet në artikull, duke shtuar se qyteti malor i Gjirokastrës i mbrojtur nga Unesco, dy orë me makinë në jug të Ujit të Ftohtës, është gjithnjë e më tërheqës për vizitorët.