Koreja e veriut tha se ka kryer një test të sistemeve të saj nënujore të armëve bërthamore, si reagim ndaj stërvitjeve të SHBA-së, Koresë së jugut dhe japonisë, këtë javë. Droni nënujor, që supozohet se mund të mbajë një armë bërthamore, u testua pranë bregut lindor – tha media shtetërore. Nuk ka ndonjë provë të kryerjes së testeve dhe seuli më herët ka thënë se përshkrimi i kapacitetit të dronëve nga ana e veriut është i ekzagjeruar. Japonia nuk ka bërë komente për raportin. Kreja e veriut pretendon se ka testuar sistemin e saj Haeil 5-23 edhe më parë, por incidenti më i fundit vjen ndërkohë që ajo ka intensifikuar veprimtarinë ushtarake. Të dielën vendi tha se kishte dislokuar një raketë balistike me rreze të mesme veprimi dhe me karburant solid. Kjo pasoi një stërvitje me municione të vërteta në kufirin detar me korenë e jugut, në javën e parë të janarit. Lideri i penianit, Kim Jong un, ka qenë ndërkohë më agresiv se zakonisht edhe në retorikat dhe direktivat e tyre politike, duke i dhënë fund disa marrëveshjeve që kishin si qëllim ruajtjen e paqes, muajt e fundit. Të premten, koreja e veriut tha se ishte provokuar nga stërvitjet e uashingtonit, seulit dhe tokios për të kryer testimin e armëve të saj nënujore ndërkohë që akuzoi stërvitjet se po destabilizojnë situatën në rajon dhe po kërcënojnë sigurinë e saj.