Një sulm i armatosur në plazhin Bondi të Sidnejt ka lënë të vrarë të paktën 12 persona dhe ka plagosur rreth 30 të tjerë, ndërsa autoritetet australiane kanë cilësuar ngjarjen si një akt terrorist. Sulmi ndodhi gjatë një feste hebraike dhe ka tronditur jo vetëm Australinë, por të gjithë botën, duke nxitur një reagime nga liderët ndërkombëtarë. Sekretari amerikan i Shtetit, Marco Rubio shprehu dëshpërimin për ngjarjen, duke theksuar se "antisemitizmi nuk ka vend në këtë botë" dhe shprehu solidaritet me viktimat, komunitetin hebre dhe popullin australian. Keir Starmer, kryeministri i Mbretërisë së Bashkuar, shprehu ngushëllime për viktimat, duke e cilësuar sulmin si "lajm thellësisht shqetësues nga Australia" dhe duke i shprehur mbështetje të gjithëve që janë prekur nga ky akt. Benjamin Netanyahu, kryeministër i Izraelit, e cilësoi ngjarjen si një pasojë të politikave që nxisin urrejtjen antisemitike.