Dy terroristë serbë të plagosur pjesëtarë të formacionit terrorist që sulmuan Policinë e Kosovës, të cilin janë larguar nga Kosova, janë duke u trajtuar në Spitalin e Përgjitshëm në Novi Pazar të Serbisë. Sipas mediave serbe, në hyrje të spitalit kanë qëndruar gjatë gjithë natës pjesëtarë të Ministrisë së punëve të brendshme të serbisë. Media serbe Nova, raportoi se spitali i përgjithshëm nuk i ka dhënë askujt informacione për gjendjen shëndetësore të të plagosurve në Banjskë të Zvecanit. Sipas autoriteteve kosovare, rreth 30 kanë qenë agresorët që sulmuan policinë e kosovës në manastirin e Banjskës në Zvecan, ku si pasojë humbi jetën Afrim Bunjaku, pjesëtar i policisë së Kosovës, dhe dy të tjerë u plagosën. Në përfundim të aksionit, ministri i brendshëm Xhelal Zvecla foli për të paktën tre terroristë të vrarë dhe gjashtë të arrestuar, dy prej të cilëve ishin agresorë dhe katër kishin ndihmuar në lidhje radio. Mediat kosovare flasin për rreth 10 terroristë serbë të vrarë në Banjskë, por zyrtarisht shifra mbetet ende tre.