Policët në Paris kanë hapur zjarr mbi një makinë që u përpoq ti përplaste ata, duke vrarë dy persona e duke plagosur një të tretë. Incidenti ndodhi në qendër të kryeqytetit francez, mbrëmjen e të dielës. Besohet se shoferi i mjetit dhe një pasagjer në vendin e parë, janë viktimat. Sipas mediave lokale, incidenti ndodhi pak pas mesnate. Policia hapi zjarr mbi makinën kur ajo refuzoi të ndalej në një pikë kontrolli. Policët thanë se makina po ecte me shpejtësi në drejtim të oficerëve ndërsa një dëshmitar okular ka sjellë një version më të plotë. Ai tha për gazetën Le Fogaro se një makinë ishte parkuar në drejtimin e gabuar në rrugë. Policia u afrua për të kontrolluar personat brenda saj dhe në momentin që u afruan, shoferi e nisi makinën me shpejtësi drejt tyre. Oficerët reaguan shpejt duke qëlluar. Forcat e rendit më pas rrethuan zonën dhe nisën hetimin për incidentin, shkaqet e të cilit ende nuk janë bërë të ditura. Sidoqoftë alarmi është i madh pasi vjen ndërkohë që një person i armatosur me një thikë, kishte thirrur: Duhet të vrasim Macronin ndërkohë që kishte plagosur dy persona në një kishë në ditën e zgjedhjeve.