Shtetet e Bashkuara e kishin njoftuar Turqinë përpara dy javësh se planifikonin dërgimin e dy luftanijeve përmes ngushticave të saj drejt Detit të Zi, në respektim të konventës së Montreux, pohuan burime diplomatike të cilat sqarojnë se anijet në fjalë do të qëndrojnë aty deri në 4 maj. Lëvizja vjen në një kohë kur Rusia ka shtuar praninë e saj ushtarake në kufirin lindor të Ukrainës. Luftanijet pritet të mbërrijnë njëra në 14 dhe tjetra në 15 prill. Njoftimi ka nxitur reagimin e Moskës e cila nuk e fshehur shqetësimin nga ky shtim I akvititeti në Detin e Zi, duke theksuar se cdo lëvizje atje duhet të jetë në linjë me Konventën e Montreux. Pakti I vitit 1936 I jep Turqisë kontrollin mbi ngushticën e Bosforit dhe atë të Dardaleneve, dhe kufizon po ashtu qasjen e luftanijeve apo anijeve të huaja tregtare. Departamenti amerikan I shtetit pohoi më herët se I ka kërkuar Moskës të shpjegojë “provokimet” në kufirin mes Ukrainës, ku raportohet të ketë një shtim të pranisë ushtarake ruse. Zëdhënësi I tij, Ned Price e bëri të qartë se Shtetet e Bashkuara do të shqetësoheshin nga cdo përpjekje e Moskës për të frikësuar Ukrainën, qoftë nëse ajo ndodh brenda territorit të Rusisë, apo në tokën e vendit fqinj me të.