Presidenti i Turqisë Rexhep Tajip Erdogan I ka diskutuar zhvillimet e fundit në Mesdheun Lindor në një telefonatë me Sekretarin e Përgjithshëm të NATO-s Jens Stoltenberg. Gjatë një bisede me kreun e aleancës, pjesë e së cilës është edhe vendi i tij, edhe Greqia, Erdogan e bëri të qartë se qeveria e tij do të mbrojë gjithmonë të drejtat dhe interesat e Turqisë, duke theksuar se vendi mbështet një zgjidhje të drejtë në Mesdheu, nga e cila të dalin të fituara të gjitha palët. Kreu I shtetit turk ka theksuar në këtë telefonatë se paqja rajonale mund të arrihet vetëm përmes negociatave të drejta. Madje sipas tij, edhe Nato-ja detyrimet e saj në raport me hapat e njëanshëm që injorojnë ligjin ndërkombëtar dhe dëmtojnë paqen. Tensionet kanë qenë të larta për javë të tëra në Mesdheun Lindor ndërsa Turqia dhe Greqia kanë kryer që të dyja manovra ushtarake në zonë. Turqia, vendi me vijën më të gjatë bregdetare në Mesdhe, ka dërguar anije kërkimore për të eksploruar për hidrokarbure në atë që thotë se është shelfi I saj continental, duke këmbëngulur në të drejtat e veta dhe të Republikës së Qipros Veriore (TRNC) . Greqia e kundërshton eksplorimin turk në Mesdhe dhe pretendimet e veta territoriale I mbështet në në ishuj të vegjël pranë bregdetit turk. Në përpjekje ikërisht për të bllokuar veprimet turke, Athina nënshkroi marrëveshje ekskluzive të zonës ekonomike (ZEE) me Italinë në 9 qershor dhe me Egjiptin në 7 gusht dhe tani, po kërkon shtrirjen me 12 milje detare ne detin Jon.