Ish-kryeministri Sali Berisha vijon denoncimin publik të videove që tregojnë shkeljet e shënuara gjatë procesit zgjedhor në vende të ndryshme. Këtë të hënë, Berisha u ndal në qendra të ndryshme votimi në Elbasan, në të cilat janë konstatuar shkelje të ndryshme, nga votimet disa herë të një personi, e deri tek shkeljet ligjore nga ana e operatorëve të pajisjeve të votimit e numërimit elektronik. Në serinë e farsës elektorale, unë kam sjellë këtu para jush dokumente në video, të cilat faktojnë në mënyrë të pamohueshme batërdinë elektorale që ndodhi në Elbasan, rolin prej kriminelësh elektorale të hapur të operatorëve socialistë, kontrollin e tyre të plotë mbi votën e qytetarëve, votimin e tyre për qytetarët, format e votimit jashtë të gjitha standardeve ligjore dhe kushtetuese të vendit dhe ndërkombëtare. Berisha shkoi më tej, teksa paralajmëroi protesta kundër qeverisë.