Vladimir Putin ka ndërmarrë një operacion të madh shpëtimi për anijen e fundosur në detin e zi, Moskva, me qëllim që të shpëtojë sekretet ushtarake, që përfshijnë mjetet e kodimit, raketat e pashpërthyera dhe ndoshta edhe një përpjekje për të marrë që andej trupat e marinarëve të vdekur. Një flotë me tetë anije shpëtimi, mes të cilave Kommuna, luftanija më e vjetër aktive në botë, është dërguar në vendin ku u mbyt Moskva, pranë brigjeve të Odesës, 128 km larg Sevastopolit, bazës të madhe detare në Krimenë e aneksuar nga Rusia. Eksperetët ushtarakë kanë thënë se Putin ndoshta shpreson të nxjerrë që andej materialet e kodimit, radiot dhe celësat e zbërthimit të kodeve sekrete, si edhe ndonjë armë apo mjet tjetër që mund të jetë me interes për një fuqi të huaj. Ata shpjegojnë se qëllimi i vetëm i pranisë së Kommuna-s, që është ndërtuar 110 vite më parë për Car Nikollën është që të nxjerrë në sipërfaqe mjetet e mbytura dhe ngarkesat e tyre. Por duke qënë se Moskva është tani në fund të detit, ka pak gjasa që Kommuna të tentojë të nxjerrë në sipërfaqe të gjithë anijen. Një zyrtar amerikan i mbrojtjes, tha për Forbes se ky do të ishte një mision i jashtëzakonshme inxhinierik që për momentin nuk duket i mundur.