Për të rrëzuar Ramën nga pushteti, Berisha ftoi të gjithë aktorët politikë, të rinj e të vjetër, të bashkohen në një front të përbashkët opozitar. Takimi i parë i këtij fronti do të mbahet të premten e 9 janarit në orën 11, ku nën moton “Zgjidhje për Shqipërinë” do të përcaktohet edhe data e protestës së ardhshme kombëtare. “Asnjë datë nuk është përcaktuar. Ka një datë që ditën e premte do të mblidhet një tryezë shumë e gjerë e opozitës, shoqërisë civile dhe faktorëve të rëndësishëm shoqëror, ku do të përcaktohet edhe data, edhe qëndrimet në vazhdim ndaj Ramaduros dhe qëndrimet ndaj tij. Pra ne shkojmë në tryezë të hapur, për të dëgjuar, diskutuar me të pranishmit dhe vendosur së bashku mbi qëndrimet, protestat që do të ndërmarrim në vazhdim. Datën do të jetë ajo tryezë që do e përcaktojë se, kur do të mblidhet protesta.”