Një tempull budist në Tajlandë është mbyllur pasi të gjithë murgjit e tij rezultuan pozitivë në një test antidrogë. Ngjarja ka ndodhur në provincën Phetchabun në veri të vendit. Murgjit, sipas zyrtarëve lokalë, rezultuan pozitivë ndaj meanfetaminës. Në kuadër të një raprezaljeje kundër drogës, policia i është bashkuar autoriteteve shëndetësore dhe ka hyrë në tempullin e vogël, ku qëndronin tre murgj dhe kryemurgu. Të katër ata i janë nënshtruar testit antidrogë ku edhe kanë rezultuar pozitivë. Pas kësaj, murgjit janë dërguar në një klinikë të specializuar. Tempulli për momentin është i boshatisur dhe banorët e fshatrave përreth janë të shqetësuar se nuk mund të bëjnë asnjë ceremoni – shpjegojnë zyrtarët lokalë duke siguruar se do të dërgohen atje murgj të tjerë në mënyrë që banorët të mund të ushtrojnë detyrimet e tyre fetare. Sipas zyrës së kombeve të bashkuara kundër drogës dhe krimit, Tajlanda është një vend i rëndësishëm tranziti për metamfetaminën që vjen nga birmania përmes laosit. Pilulat e metamfetaminës shiten nëpër rrugët e tajlandës, për më pak se 2- baht, ose rreth 50 centë.