Policia e Krujës ka arrestuar 3 persona të shpallur në kërkim nga drejtësia, pasi janë dënuar me burg për vepra të ndryshme penale. Një prej tyre është dënuar nga Gjykata e Posaçme e Shkallës së Parë për Korrupsionin dhe Krimin e Organizuar. Bëhet fjalë për personin e identifikuar me inicialet I.G. Ai ishte shpallur në kërkim pasi është dënuar me me 8 muaj burgim për veprën penale "Ushtrimi i ndikimit të paligjshëm ndaj personave që ushtrojnë funksione publike". Ndërsa personi i identifikuar me inicialet E.A. ka qenë i shpallur në kërkim pasi Gjykata e Shkallës së Parë e Juridiksionit të Përgjithshëm Tiranë, që e ka dënuar me 1 vit e 6 muaj burgim, për veprën penale të “Mashtrimit”. Personi i tretë i arrestuar, identifikuar me inicialet F.Z., rezulton i dënuar me 9 muaj burg nga gjykata e apelit e Tiranës për prodhim dhe shitje kanabisi.