Pas tre ditëve me mot ekstrem në të gjithë territorin e vendit mbizotëron mot i kthjellët, me vranësira lokale, i shoqëruar me temperatura të ulëta. Të gjitha akset kombëtare janë të kalueshme, bëhet e ditur nga ministria e mbrojtjes, por megjithatë në zonat malore rekomandohet përdorimi i gomave dimërore, si dhe në akset rurale të zonave malore është e nevojshëm përdorimi i zinxhirëve. Sakaq forcat e Armatosura behet me dije se janë të angazhuara për hapjen e rrugës së fshatit Trebinjë në Pogradec dhe zonës së Thethit në Shkodër. Me kërkesë të pushtetit lokal, u transportuan 800 pako ushqimore nga Rezervat Materiale të Shtetit për banorët e fshatrave të bllokuar në bashkitë e Vaut të Dejës, Mirditë, Lezhë dhe Kurbin. Gjithashtu, trupat dhe mjetet lundruese dhe të kalueshmërisë së lartë të batalionit të I të këmbësorisë dhe atij të mbështetjes rajonale po ndihmojnë lëvizjen e banorëve të njësive administrative Ana e Malit dhe Dajç në bashkinë e Shkodrës.