Babai dhe dy djemtë e tij, që të tre efektivë të Policisë së Tiranës janë pezulluar nga detyra me urdhër të drejtorit të uniformave blu të kryeqytetit pas një episodi dhune me njëri-tjetrin dhe me forcat Shqiponja. Të pezulluarit janë Hamit Sallaku dhe dy djemtë e tij, që të tre me gradën inspektorë në komisariatet një, dy dhe tre të kryeqytetit. Sipas njoftimit të policisë, në orët e vona të së shtunës, tre punonjësit në fjalë janë hasur në gjendje të dehur dhe duke debatuar me njërin-tjetrin në rrugën Bardhyl.