Ministria e Financave dhe Ekonomisë është duke përgatitur një projektligj të ri për të luftuar pastrimin e parave, duke futur në lojë përvec organeve tatimore edhe Shërbimin Informativ Shtetëror. Sipas draftit, tatimet dhe SHISH do kenë akses te llogaritë bankare të 5 viteve të fundit të bizneseve dhe individëve, për identifikimin e pasurive, që dyshohet se nuk janë të ligjshme, por të siguruara nga aktivitete të paligjshme. Ideja për të ndërmarrë një hap të tillë ligjor ka ardhur pas rekomandimeve të task forcës europiane financiare në kuadër të luftës kundër pastrimit të parave. “Qëllimi i përgatitjes së këtij projektligji synon përcaktimin e funksioneve të regjistrit të llogarive bankare, mënyrën e raportimit dhe shfrytëzimit të të dhënave të llogarive bankare, si dhe aksesin dhe shfrytëzimin e këtij regjistri me qëllim identifikimin e pasurive të dyshuara me prejardhje nga veprimtari veprimtarive kriminale, nëpërmjet transaksioneve bankare.