Mediat shtetërore të Kinës, kanë njoftuar lancimin e modulit kryesor të stacionit të saj të hapësirës. Moduli pa pilot, i emëruar Tianhe, dhe që siguron pajije dhe hapësirë për jetesë për tre astronautë , u nis me një raketë transportuese nga qendra hapësinore Uençang, në ishullin Hainan. Gjithashtu sipas planit, Pekini do të bëjë edhe 11 nisje të tjera me module, përpara se të përfundojë stacionin hapësinor Tiangong, vitin e ardhshëm, ku jetëgjatësia e stacionit do të jetë minimalisht 10 vite. I vetmi stacion hapësinor në orbitë aktualisht është Stacioni Ndërkombëtar i Hapësirës - një bashkëpunim i Rusisë, Shteteve të Bashkuara, Kanadasë, Evropës dhe Japonisë, ndërsa Kinës i është bllokuar pjesëmarrja në të. Por në vitin 2024 pritet të pensionohet Stacioni Ndërkombëtar i Hapësirës. Vitet e fundit Kina ka bërë apa para për sa i përket programit të saj hapsinor, me vizitat në hënë, nisjen e një sonde pa pilot në Mars dhe tani ndërtimin e stacionit të saj hapësinor.