Persona të armatosur që janë identifikuar si talebanë, sulmuan një dasëm në afganistanin lindor për të ndaluar muzikën atje, duke vrarë të paktën dy persona dhe duke plagosur 10 të tjerë. Një zëdhënës taleban tha se dy nga personat e armatosur ishin arrestuar por mohoi që ata të kishin vepruar në emër të lëvizjes islamike. Muzika ka qenë e ndaluar kur talebanët qeverisnin vendin nga 1996 deri në 2001. Autoritetet e reja nuk kanë lëshuar këtë radhë një dekret të tillë. Një dëshmitar okular tha për BBC se katër cifte po martoheshin në një ceremoni të përbashkët në provincën e Nangraharit të premten. Ata kishin marrë leje nga një lider lokal taleban për të lejuar muzikë në një ambjent ku do të qëndronin vetëm gratë. Por natën vonë, persona të armatosur hynë me forcë bvrenda dhe u përpoqën të shkatërronin altoporlantët. Kur dasmorët protestuan, ata hapën zjarr. Zëdhënësi i talebanëve tha se rasti ishte nën hetim. Grupi Shteti Islamik, që kundërshton talebanët, është po ahstu kativ në Nangrahar dhe është fajësuar për incidente të ngjashme edhe në të shkuarën.