Volodimir Zelenski ka zbuluar detajet e bisedës së ftohtë të zhvilluar një ditë më parë me Donald Trump, që sipas shumëkujt mund të vendosin edhe fatin e luftës. Kjo vjen pasi ish-presidenti amerikan u mburr në mënyrë të çuditshme për "marrëdhëniet e tij shumë të mira" me liderin rus Vladimir Putin para mediave dhe presidentit ukrainas. Dyshja u takua në Trump Toëer në Nju Jork dhe diskutoi për vijimësinë e luftës ndërsa zgjedhjet amerikane po afrojnë. Në një intervistë të mëvonshme me Fox Neës, Zelenski zbuloi se çfarë i kërkoi Trumpit gjatë takimit të tyre. Ai tha: “Më bëri shumë pyetje. Trump pyeti se si e shohim situatën në fushën e betejës dhe si e shohim mbështetjen e SHBA-së. Ai pyeti madje edhe pse e nisi putini pushtimin, sipas këndvështrimit tonë. Zelenski tha gjithashtu se Trump i tha atij se e mbështet Ukrainën dhe se "ai do të jetë në anën e ukrainës.