NATO ka ngritur në fluturim dy tajfunë të forcave mbretërore ajrore britanike për të ndjekur avionë rusë spiunazhi dhe avionë ushtarakë mbi hapësirën ajrore aleate. Typhoon-ët u ngritën tre herë, në tre ditë, për shkak të shqetësimeve mbi avionët rusë që niseshin nga Kaliningradi. Një numër avionësh të NATO-s u ngritën nga baza ajrore Malbork për të gjurmuar dhe dëbuar disa avionë të Kremlinit këtë javë. Të martën, Typhoon-ët u ngritën dy herë pasi fillimisht identifikuan avionin sekret spiun të njohur si Ilyushin Il-20M. Më vonë, në të njëjtën ditë ata u përpoqën përsëri të kapnin dy avionë SU-30 që po ashtu kishin dalë nga hapësira ajrore e Kaliningradit. Ky model është një avion luftarak me dy pilotë, sipas faqes së internetit të Forcave Ajrore Mbretërore. Edhe më pas, dy avionë britanikë u ngritën në ndjekje të një tjetër Iliushini Il-20M mbi detin baltik. Tajfunët britanikë janë vendosur në bazën ajrore në Poloni si pjesë e kontributit të zgjeruar të Mbretërisë së Bashkuar në përpjekjet e policimit ajrore të NATO-s mbi Evropën Lindore. Avionët kanë vetëm disa javë që kanë mbërritur në bazë, bashkë me disa avionë nga suedia. Në fillim të prillit, NATO-s iu desh të ngrinte një numër avionësh luftarakë, ndërsa Putin përdori bombarduesit bërthamorë për të lëshuar raketa mbi ukrainë.