Për deputeten e Partisë Demokratike, Jorida Tabaku, buxheti i vitit 2026 që pritet të kalojë në seancën e 11 dhjetorit, nuk i jep prioritet qytetarëve dhe krijon një rritje të barrës fiskale prej 500 milionë eurosh. Tabaku thotë se rritja e pagës minimale nuk përbën rritje reale pagash nëse rriten edhe sigurimet dhe taksat, ndaj kërkon lehtësim të barrës fiskale për pagat e ulëta dhe përjashtim të abuzuesve nga Amnistia Fiskale.