Kryeministri britanik Rishi Sunak i cili erdhi në detyrë rreth një muaj më parë, vizitoi këtë të shtunë për herë të parë Kievin, ku zhvilloi një takim me presidentin ukrainas Volodymir Zelensky. Lajmi u bë publik lideri i Ukrainës, i cili përmes një postimi në rrjetet sociale u shpreh se Ukraina dhe Britania e Madhe kanë qenë aleatët më të fortë, që prej ditëve të para të luftës. Sunak njoftoi se Londra do të ofrojë 59.4 milionë dollarë ndihma për Kievin, përfshirë këtu armë kundër-ajrore dhe teknologji anti-dronë. Pas takimit me Zeleneskyn, kryeministri britanik vendosi lule në memorialin, që përkujton personat të cilët kanë humbur jetën jetën gjatë pushtimit rus, si dhe ndezi një qiri në nder të tyre. “Jam krenar që Britania e Madhe qendroi krah ukrainës që prej fillimit të pushtimit rus. Dhe unë jam këtu sot për të thënë se Britania e Madhe do të qendrojë pranë Ukrainës, deri kur të luftojë përfundimisht sulmet barbare të Rusisë” tha Sunak. Përpara se Sunak të merrte postin e ri, ish kryeministri Boris Johnson, kishte deklaruar se pavarësisht se kush vjen në krye të qeverisë, marrëdëniet mes Britanisë së Madhe dhe Ukrainës nuk do të lëkunden. Të njëjtin qëndrim mbajti edhe Liz Truss, e cila qëndroi në pushtet vetëm për 44 ditë, duke u renditur në listën e kryeministrave më jetëshkurtër në pushtet.