Një burrë hodhi bomba molotov të lidhura me fishekzjarre mbi një qendër procesimi të emigrantëve në portin jugor të anglisë, Dover, të dielën dhe më pas vrau veten. Agresori, kishte drejtuar makinën e tij drejt qendrës, kishte dalë prej saj dhe kishte lëhsuar tre bomba molotov, një prej të cilave kishte dështuar të shpërthente. Më pas, ai i ishte drejtuar me makinë një pike karburanti dhe kishte vrarë veten. “Zyrtarët përcaktuan se dy deri në tre mjete shpërthyese ishin hedhur drejt zyrave të emigracionit”, tha policia e kentit në një deklaratë. “Një lëndim i lehtë është reaportuar. I dyshuari është identifikuar ndërkohë që hetimi për incidentin vazhdon”, thuhej në një deklaratë. Një video e postuar në mediat sociale tregonte stafin e qendrës që përpiqej të shuante një zjarr të vogël në një nga muret e jashtme. Sulmi vjen në mesin e një debati të ngarkuar politik për emigracionin në britaninë e madhe. Numri i njerëzve që përpiqen të kalojnë kanalin anglez për të hyrë në britani është rritur ndjeshëm dhe shqetësim për autoritetet janë bërë vecanërisht shqiptarët dhe numri i madh i tyre që zbarkon me gomone cdo ditë. Qeveria britanike ndërkohë përballet me kritika për kontrollin e dobët të kufijve ndërsa grupet e të drejtave të njeriut thonë se azilkërkuesit trajtohen në mënyrë cnjerëzore.