Aktivistët e Greenpeace të enjten u ngjitën mbi shtëpinë e kryeministrit britanik Rishi Sunak dhe e mbuluan atë me një pëlhurë të zezë në shenjë proteste kundër politikave të tij mbi karburantet fosile. Sunak këtë javë, i dha dritën jeshile qindra licencave të reja për naftë dhe gaz në detin e veriut, duke zemëruar ambjentalistët. “Ne kemi nevojë dëshpërimisht që kryeministri ynë të bëhet një lider për klimën, e jo një shkatërrues i klimës”, thanë aktivistët. “Pikërisht në kohën kur zjarret dhe përmbytjet po shkatërrojnë shtëpi dhe jetë njerëzish në të gjithë botën, Sunak angazhohet për një zgjerim masiv të shpimeve për naftë dhe gaz”, shtuan ata. Greenpeace postoi edhe videon e katër aktivistëve që ngjiteshin mbi catinë e shtëpisë së SUnak në Richmond, në anglinë veriore, dhe e mbulonin atë me pëlhurë të zezë. Dy aktivistë të tjerë ndërkohë zbuluan një baner mbi të cilin shkruhej: Rishi Sunak, fitimet e naftës ose të ardhmen tonë...