Stuhia e reshjeve të shiut dhe era e fortë kanë bërë që në Korçë të ketë jo pak probleme. Pemë të thyera, stola të dëmtuar dhe një çati pallati është rrëzuar gjatë natës. Më shumë probleme me pemët er rrëzuara nga stuhia janë hasur në lagjen 4 te qytetit dhe në parqe. Ndërkohë punonjës të ndërmarrjes së shërbimeve publike në bashkinë Korçë kanë nisur nga puna për largimin e pemëve të rrëzuara dhe prerjen e atyre që cilësohen të rrezikshme. Situata e 24 orëve të fundit ka shkaktuar edhe probleme në furnizimin me energji elektrike në shumë lagje të qytetit të Korçës dhe në njësitë administrative. Probleme ka pasur në periferi te Korces tek rruga e Voskopit, por edhe ne disa prej lagjeve te qytetit. Ndërsa në fshatin Dardhas të Pogradecit edhe gjatë së premes e gjithë njësia është pa energji el;ektrike. Në errësirë e kanë kaluar edhe mbrëmjen e djeshme edhe banorët e fshatit Trebinjë.