GJKKO kaloi për gjykim dosjen e Sterilizimit me të pandehur ish-ministrin e Shëndetësisë Ilir Beqaj, ish zv/ministrin Klodian Rjepaj dhe biznesmenin Ilir Rrapaj. Gjyqi u shoqërua me akuza. Ilir Beqaj fajësoi trupin gjykues dhe prokurorët duke e cilësuar procesin si një farës politike. Ai kërkoi përjashtimin e gjyqtares Flojera Davidhi, por kërkesa e tij u rrëzua. Ndërsa nga ana tjetër në ndryshim nga të akuzuarit e tjerë kërkoi gjykim të zakonshëm. “I gjithe ky proces penal sic e kam deklaruar ne kete salle ne menyre te perseritur ka nisur si proces politik, ka vijuar si hetim politik dhe edhe ju e nderuar gjyqtare me vendimin e dates 23 dhjetor 2024 vendoset nje gur te rendesishem ne themelet e politizimit te kesaj ceshtje penale.”, deklaroi ish-ministri gjatë fjalës së mbajtur në seancë. Ai tha gjithashtu se do të provojë pafajësinë lidhir me këtë koncesion. “edhe sikur me vdekje apo me burgim te perjetshem te me akuzosh apo te denosh nuk do mund te zhbesh, kontributin tim 33 vjecar ne jeten publike te vendit dhe as te njollosesh as emrin tim dhe as mbiemrin e familjes sime. Por edhe nuk do te mund te njollosesh dhe as te kriminalizosh as qeverine 1 te Edi Rames dhe as Partine Socialiste.”, pohoi ai.