Kryetari i Partisë Demokratike, e ka kthyer pandeminë në një prej pikave të politikës së ditës. Përmes një statusi në rrjetin social facebook, Basha akuzon Ramën, se nuk ka asnjë plan për parandalimin e koronavirusit dhe se spitalet janë në kolaps. Madje, ai shton se të sëmurët po dergjen në ambulanca, për shkak të mungesës së shtretërve në spitale. Basha shkruan se shifrat prej 500 raste të reja të raportuara edhe zyrtarisht nga Ministria e Shëndetësisë që prej fillimit të pandemisë janë një treguar alarmant. Sipas Bashës, Rama u merr shqiptarëve lekët e taksave dhe në vend që t’i investojë në shëndetësi, ua jep miqve të vet. Në fund të shënimit të tij në faen zyrtare të facebook, Basha thotë se Rama pasi shkatërroi ekonominë, po shkatërron jetët dhe shëndetin e njerëzve, ndaj duhet të largohet. Në fund nuk lë pa përmendur edhe zgjedhjet e 25 prillit, teksa shkruan se PD do i fitojë zgjedhjet për të ngritur ekonominë dhe sigurimin e ndihmës për cdo familje.