Katër superheronj hynë në një lagje të rrezikshme në Lima në fundjavë, kur spidermani, kapiten Amerika, Thori dhe vejusha e zezë, shkallmuan dyer dhe arrestuan disa trafikantë të shumëkërkuar droge. Katër superheronjtë, pjesë e skuadrës Avengers, ishin në fakt anëtarë të një njësie të posacme të policisë peruane që me sa duket kishin hyrë në shpirtin e festës së halloëeenit. Vetë operacionit i ishte vendosur emri i koduar ‘Marvel’ dhe gjatë tij, katër oficerët e veshur si superheronj, u panë të ecnin sfidueshëm nëpër një rrugë në lagjen San Huan de Luriganko, në Lima... Kur mbërritën në një shtëpi të caktuar, Spidermani dhe miqtë e tij, nxorrën pajisjet speciale dhe thyen një derë hekuri, duke i lejuar më pas 10 oficerëve mbështetës të policisë të hynin dhe të arrestonin atje tre burra dhe një grua.