Dy vrasjet makabre që tronditën qytetin e Elbasanit në korrik të vitit 2020 buronin nga një ngjarje e dhjetorit 2018, kur ndodhi ajo që njihet si masakra e Bradasheshit. Në atë ngjarje u ekzekutuan me armë vëllai, xhaxhai dhe një shtetas turk mik i familjes së Erjon Alibejt. Ky i fundit akuzonte Emiljano Ramazanin si bashkëpunëtor dhe kërkoi eleminimin e tij dy vite më vonë. Në 19 korrik të 2020 është tentuar që Ramazani të vritej në një lokal në zonën e Bradasheshit, por vrasja nuk u krye pasi në momentin e fundit në tavolinë me të u ulën njerëz të tjerë. Emiljano Ramazani u ekzektua një ditë më pas pranë shtëpisë së tij. Arma e krmimit sipas deklarimeve të Nuredin Dumanit është dërguar nga Klevis Kapllani në servisin e Seit Manhasës, me porosi të Erjon Alibejt në mënyrë që të zhdukej çdo dyshim më drejtim të tij dhe të ngriheshin akuza ndaj vëllezërve Manhasa.