“Autorin e vrasjes në Ndroq, e liroi nga burgu anëtari i organizatës kriminale, SKAP-i i Partisë Ols Dado!-kështu shkruante kryetari I partisë Demokratike në një postim të tij në rrjetin social Facebook duke iu referuar Julian Gjoshit autorit të dyshuar të vrasjes së 50 vjecarit Alfred Dedja që ndodhi pasditen e kësaj të diele. Ishte kjo një deklaratë që solli reagimin e Prokurorisë së Posacme që e hodhi menjëherë poshte duke theksuar se informacioni nuk është I vërtetë “Prokuroria e Posaçme kundër Korrupsionit dhe Krimit të Organizuar përgënjeshtron deklaratën e sotme përmes të cilës aludohet se prokurori i posaçëm, Ols Dado “ka liruar nga burgu kunatin e Altin Hajrit”-thekson SPAK në një komunikatë- SPAK sqaron se informacionet që janë përmendur në këtë deklaratë janë tërësisht të pavërteta dhe nuk kanë asnjë lidhje me prokurorin e përmendur. SPAK apelon për një trajtim të përgjegjshëm dhe të balancuar të informacionit nga ana e përfaqësuesve politikë dhe mediave dhe nënvizon se do të vijojë punën pa asnjë kompromis në ruajtjen e integritetit dhe besueshmërisë së publikut në ushtrimin e funksioneve të tij”,.