Aurel Zarka, drejtuesi i Prokurorisë së Vlorës është arrestuar me urdhër të Prokurorisë së Posaçme. Kryeprokurori i Vlorës dyshohet se ka ndërhyrë në një dosje hetimore, duke devijuar hetimet. Bashkë me Zarkën janë arrestuar edhe Eriona Daupaj, ish-oficere e Policisë Gjyqësore dhe aktualisht student në Shkollën e Magjistraturës dhe dy avokatët Astrit Vladi dhe Radovan Çela. Në lidhje me këtë hetim pritet komunikata zyrtare e prokurorisë së Posaçme. Ndërkohë, burime të Top Neës pohojnë se emri i kryeprokurorit të Vlorës ka dalë edhe në përgjimet e aplikacioneve Sky dhe Encrochatt, ku ai dyshohet se ka qenë përdorures i rregullt i tyre. Veç ndërhyrjes në hetimin, për të cilin SPAK nuk ka dhënë ende detaje, oficerët e Byrosë Kombëtare të Hetimit po verifikojnë edhe vendimmarrjet e tjera të kryeprokurorit të Vlorës, përfshirë këtu edhe ato që lidhen me dosjet e bujshme të pronave në bregdet.