Operacioni i shpëtimit u krye mbrëmjen e 10 qershorit pasi anija që transportonte migrantët u përball me vështirësi. Të gjithë ata që ndodheshin në anije ishin në gjendje të mirë shëndetësore, njoftuan autoritetet greke. Nuk u bë e ditur se nga cili vend ishte nisur anija, raporton agjencia e lajmeve DPA. Gjatë muajve të verës, shumë varka me vela dhe jahte ndodhen në detin Egje dhe Jon, duke i bërë të vështira për t'u dalluar varkat e drejtuara nga trafikantët e njerëzve që transportojnë migrantë.Meqenëse varkat janë zakonisht të vjetra dhe shpesh të mbingarkuara, aksidentet janë të shpeshta.Sipas shifrave të Organizatës së Kombeve të Bashkuar, të paktën 326 njerëz vdiqën në këtë rajon vitin e kaluar. Policia bregdetare greke beson se shifra aktuale është dukshëm më e lartë. Vetëm pak kohë më parë, greqia u vendos në qendër të polemikave pasi një video u publikua në të cilën shiheshin rojat bregdetare greke që shtynin emigrantët në det të hapur për ti kthyer pas ata.