Shumë ekspertë po i druhen një lufte bërthamore të mundshme. Annie Jacobsen, autore e shtatë librave mbi tema të sigurisë kombëtare, shpjegon se si do të ishte në të vërtetë. Skenari i një lufte bërthamore globale sipas saj do të zgjaste 72 minuta. Sipas saj, është lideri i Koresë së Veriut ai që do të lëshonte një raketë balistike ndërkontinentale në Pentagon dhe një reaktor bërthamor në Kaliforni. Presidenti amerikan ka vetëm gjashtë minuta për të vendosur për përgjigjen dhe në të njëjtën kohë ai është evakuuar nga Shtëpia e Bardhë. Në të njëjtën kohë, presidenti është nën presionin e ushtrisë për të lëshuar ICBM-të amerikane në të 82 objektivat e Koresë së Veriut thelbësore për forcat bërthamore dhe ushtarake. Këto raketa duhet të fluturojnë mbi Rusinë, liderët e së cilës mund të supozojnë se vendi i tyre është nën sulm dhe të kundërpërgjigjen. 72 minuta më vonë, tri shtete të armatosura bërthamore arrijnë të vrasin miliarda njerëz, ndërsa ata që mbijetojnë mbeten të uritur në një planet të helmuar ku ushqimi nuk rritet më.