Shefi i OKB-së, Antonio Guterres tha se ishte “i tronditur” nga raportimet për dhunë ndaj protestuesve dhe i bëri thirrje qeverisë së Iranit të tregojë vetëpërmbajtje dhe të heqë dorë nga përdorimi i panevojshëm ose joproporcional i forcës. Shefja e politikës së jashtme të Bashkimit Evropian, Kaja Kallas, tha se është gati të propozojë sanksione të reja ndaj Teheranit në përgjigje të shtypjes së protestave. “BE tashmë ka sanksione të gjera ndaj Iranit — ndaj atyre që janë përgjegjës për shkelje të të drejtave të njeriut, për aktivitete të përhapjes bërthamore dhe mbështetjen e Teheranit për luftën e Rusisë në Ukrainë”, tha Kallas. Ndërkohë, nga teherani vijnë raportime tronditëse. Një burrë që ishte dëshmitar i një raprezaljeje mbi protestuesit në lindje të kryeqytetit iranian tha për radion Evropa e lirë se represioni ndaj demonstruesve është përshkallëzuar ndjeshëm, duke e përshkruar situatën në qytet si të ngjashme me “skena lufte.”