Një ngjarje e paprecedentë është regjistruar në Argjentinë, me protagonist ish-presidentin e këtij vendi, Alberto Fernandez. Lajmi është publikuar fillimisht nga mediet vendase, për të marrë më pai përhapje të gjerë në mediet ndërkombëtare. Bëhet fjalë për një krim brenda familjes, për të cilën akuzohet Fernandez. Ish-presidenti i Argjentinës, Alberto Fernandez akuzohet se ka dhunuar ish-partneren e tij. Në rrjetet sociale kanë qarkulluar foto të ish-zonjës së parë të Argjentinës të dhunuar. Këto akuza kanë tronditur vendin. Fernandez ishte president nga viti 2019 deri në vitin 2023. Ai ka mohuar gjithçka dhe ka premtuar se do të provojë në gjykata gjithë të vërtetën e ngjarjes. Ndërkohë hetimet lidhur me këtë ngjarje janë edhe në vazhdim. Pavarësisht publikimeve në mediet sociale, ende nuk ka një reagim nga ish-bashkëshortja, teksa janë autoritetet ato që do të thonë fjalën e fundit.