I mbyllur në shtëpinë e tij në sarajevë, për të pestën ditë radhazi, Armin Rexhic, nuk ishte i sigurt nëse simptomat gjithnjë e më shqetësuese ishin apo jo simptomat e covidit. Kur ai nisi të ndjehej keq, zgjodhi të vetëizolohej dhe u këshillua të bënte një test. Por kur ai shkoi ta bënte, iu tha se nuk kishte më. Sistemi shëndetësor në bosnje është aktualisht i mbingarkuar, me dhjetëra e mijëra qytetarë që dyshohet se janë të infektuar me variantin shumë ngjitës Omicron. Por përvec testeve PCR, mungojnë edhe testet antigjen. Autoritetet boshnjake, nuk morën masa strikte në periudhën e festave të fundvitit, dhe festimet e tubimet masive vazhduan pavarësisht valës që po përfshinte të gjithë evropën në dhjetor. Rezultati, është një numër infektimesh të paktën tre herë më i lartë krahasuar me kulmin e fundit, në prill 2021.