Kryeministri Edi Rama ka reaguar për situatën e rëndë të krijuar në pikat kufitare me Greqinë. Nëpërmjet një postimi në rrjetin social Instagram, kreu i qeverisë shprehet se po vazhdojnë bisedimet me palën greke për lehtësimin e procedurave por ende nuk ka një zgjidhje. “Jemi në komunikim të vazhdueshëm me palën greke për lehtësimin e procedurave, të cilat janë procedura të njëjta në çdo pikë hyrëse të Greqisë̈, për qytetarët e çdo vendi, përfshirë edhe qytetarët grek që hyjnë në një kufi! Në ndërkohë Forcat e Armatosura dhe strukturat bashkiake të Gjirokastrës, Këlcyrës, Dropullit, Tepelenës e Përmetit, e kanë gdhirë me qytetarët që qëndrojnë në radhë në Kakavijë duke ofruar ndihmë shëndetësore, ndihma ushqimore, ujë të pijshëm dhe asistencë për higjenen sanitare në terren”, shkruan kreu i qeverisë.