Qeveria e Norvegjisë tha të dielën se do të kontribuojë me rreth 7 miliardë korona norvegjeze ose 696.12 milionë dollarë, për sisteme të mbrojtjes ajrore për Ukrainën. "Së bashku me Gjermaninë, ne tani po sigurohemi që Ukraina të marrë sisteme të fuqishme të mbrojtjes ajrore", tha kryeministri norvegjez Jonas Gahr Store në deklaratë. "Gjermania dhe Norvegjia po punojnë shumë ngushtë së bashku për të mbështetur Ukrainën në luftën e saj për të mbrojtur vendin dhe për të mbrojtur popullsinë civile nga sulmet ajrore ruse", shtoi ai. Norvegjia dhe Gjermania po financojnë dy sisteme Patriot, duke përfshirë edhe raketa. Përveç kësaj, Norvegjia po kontribuon në prokurimin e një radari të mbrojtjes ajrore nga prodhuesi gjerman Hensoldt si edhe për dhe sisteme të mbrojtjes ajrore nga Kongsberg. Ukraina ka thënë se do të blejë deri në 10 sisteme Patriot, të cilët janë sipas saj të nevojshëm për të mbrojtur qytetet e vendit që sulmohen pa pushim nga moska. Fondet për blerjen e këtyre sistemeve mbrojtëse do të vijnë nga aleatët perëndimorë të Kievit ndërkohë që SHBA ka pranuar ta furnizojë vendin me armë, por nuk do të jetë ajo që do të paguajë për to.