Viti 2025 dëshmoi dhe njëherë që siguria në vend është në nivel alarmant, me 45 viktima që u regjistruan nga janari në dhjetor për motive hakmarrje, për hesape të mbartuara për prishje të pazareve të drogës apo edhe për konflikte banale. Dhjetra ngjarje kriminale tronditën vendin, teksa as këtë vit nuk munguan krimet brenda familjes, aq më pak sherret pranë shkollave, ku dy fëmijë humbën jetën. Problemet ekonomike, mungesa e besimit te institucionet ligjzbatuese, prezenca e zbehtë e policisë së shtetit në shkolla apo ambiente të tjera që frekuentohen nga të rinjtë, ku probabiliteti për ngjarje kriminale ose konflikte për motive të dobëta është i lartë si dhe hakmarrja për epiode të ndryshme, kanë qenë faktorët e shkaktimit të vrasjeve përgjatë këtij viti. Pjesa më e madhe e numrit të vrasjeve ndodhën për hakmarrje, për prishje të pazareve të drogës si dhe për konfliktet e pashuara mes grupeve kriminale që ende ekzistojnë në disa zona të Shqipërisë. Vetëm gjatë muajit janar u regjistruan disa vrasje e atentate. Viti nisi me vrasjen e 33 vjeccarit Ramazan Mataj në fshatin Dragocc të Postribës, ngjarje tashmë e zbardhur, ku përpara përgjegjësië janë vendosur dy vëllezërit Arjan dhe Klisman Hasa. Këta të fundit ekzekutuan 33 vjeccarin për lidhjen intime që ai kishte me motrën e autorëve, ccka ishte bërë shkak për shkaktimin e dy divorceve të saj. Po gjatë janarit, iu bë atentat biznesmenit Bujar Nasufi, 30 vjeccarit Kristian Marku si dhe Lulzim Vishës, të cilët humbën jetën. Të treja ngjarjet janë të pabazardhura nga prokuroritë respektive. Organet e hetimit nuk kanë zbardhur ende as vrasjen e Gjovalin Prendit, babai i të ndjerit Roan Brahimi, episod i shënuar në prill në qytetin e Lezhës. As atë të 25 vjeccarit Ermir Dedja që u shënua pak ditë pas zgjedhjeve parlamentare në qytetin e Durrësit. Nuk janë gjetur as autorët e vrasjes së Pjetër Kazas në Lezhë, e Frok Lleshaj në Vaun e Dejës, e Kristjan Kolës në Shkodër, apo ajo e Isuf Jaccaj në Sarandë, i cili u ekzekutua me eksploziv të telekomanduar.