Identifikohen 4 shqiptarët që u arratisën nga burgu në Kretë të Greqisë mbremjen e së dielës. Olis Prifti 43 vjec, me origjinë nga Dropulli është njëri nga shqiptarët, i cili mundi të braktisë qelinë. Prifti është dënuar nga gjykata në vitin 2016 për një sërë akuzash. Akuzat e ngritura ndaj tij janë “pjesëmarrje në grup kriminal”, “grabitje”, “grabitje me pasojë vdekjen”, “vjedhje”, “armëmbajtje pa leje” dhe “përdorim arme. Gjatë një grabitje të organizuar nga ai dhe një pjesë tjetër shqiptarësh, ngjarje e regjistruar po në vitin 2016, një 84 vjecare mbeti e vdekur, ndërsa nuk dihet se kush nga ata e kreu vrasjen. Ardian Meta 32 vjec nga Divjaka, është shqiptari i dytë i identifikuar, pjesë e aratisjes spektaklore mbrëmjen e së dielës. I treti është një 34 vjeçar i dënuar për “trafik droge”. Ndërsa i katërti, është një 29-vjeçar po ashtu i dënuar për trafikim droge. Pas arratisjes nga burgu, shqiptarët u larguan me një makinë të vjedhur, ndërsa pasi e braktisën mjetin e arratisjes, ata grabitën një tjetër makinë dhe ende nuk dihet asgjë për lokacionin e tyre. Mes 4 shqiptarëve është edhe një pakistanez, që bashkë me shqiptarët u përcollën nga Athina për në burgun e Kretës. Por, në një moment i shpëtuan vigjilencës së Policisë për shkak të stafit të reduktuar të kësaj të fundit dhe u arratisën. Policia vijon kontrollet në të gjithë territorin e vedit, për kapjen sa më parë të tyre.