Verifikimi i saktë i pasurive të politikanëve dhe zyrtarëve të shtetërore të lartë është elementi kryesor në luftën kundër korrupsionit. Ky ishte mesazhi që përcolli ambasadori i BE në Tiranë, Silvio Gonzato në takimin e 20-të të komitetit parlamentar të stabilizim-asociimit Shqipëri-BE. Sipas tij, ky element i luftës ndaj korrupsionit është shumë i rëndësishëm në rrugën drejt BE-së. Ai shtoi se mbyllja e kapitujve është një sfidë më e madhe se hapja e tyre dhe se aktualisht fokusi është tek përmbushja e piketave të përkohshme të vendosura nga shtetet anëtare si provë e vendosmërisë për reformat e nevojshme. “Shqipëria ka hapur 5 nga 6 grup-kapitujt negociues dhe puna po vazhdon për të hapur grupimin e fundit mbi bujqësinë përpara fundit të këtij viti. Ky është një sukses i qartë për Shqipërinë, por është vetëm fillimi”, tha ai. Ambasadori i BE kërkoi ndryshim të Kodit Penal, ku shpifja të dekriminalizohet dhe e drejta e medias, liria e shprehjes dhe siguria e gazearëve të forcohen.