Mediet kosovare konfirmojnë nëpërmjet analistëve dhe politikanëve të ndryshëm në Prishtinë, se Albin Kurti u rrëzua gjatë koalicionit me LDK-në, nga ndërkombëtarët pas kërkesës që lidershipi i LDK dhe PDK, u bënë atyre. Sipas politikës kosovare lidershipi i dy partive kryesore në atë kohë, u vetëofrua për marrëveshje me Serbinë për ndryshimin e kufijve dhe shkëmbimin e territoreve. Krerët e LDK dhe PDK, pasi kishin pranuar këtë ide, kërkuan rrëzimin e qeverisë Kurti nëpërmjet Richard Grenell. Lidhur me këtë ka reaguar edhe anëtari i kryesisë së partisë Guxo, Luan Gacaferri, i cili konfirmon këto deklarata e pretendime. “Saktë dhe 100% kështu e tha Grenell në mediat gjermane para dy javësh, se PDK e LDK më erdhën dhe me thanë se jemi gati për marrëveshjen me Serbinë për ndarjen e Kosovës, por së pari duhet larguar Albin Kurtin nga pushteti, sepse ky po na pengon qe t'a arrijmë këtë marrëveshje me Vuçiqin”, shkruan ndër të tjera Gacaferri në Facebook. Edhe pse qeveria u rrëzua, Albin Kurti do të mund të fitonte i vetëm zgjedhjet, me ndihmën edhe të Vjosa Osmanit, e cila u largua nga LDK, për të bashkëpunuar me Albin Kurtin. Ky i fundit e bëri atë presidente të republikës.