Edhe pse një vend i vogëk në fund të shkretëtirës së Arabisë Saudite, i vendosur midis Bahreinit dhe Emirateve të Bashkuara Arabe, Katari arriti që brenda tre dekadave të bëhej një lojtar qendror në skenën ndërkombëtare, duke përdorur një strategji të thjeshtë por efektive: blerjen e ndikimit përmes parave të "gazit". Me investimet financiare apo sportive jashtë vendit apo zyrat e mira diplomatike, Emirati nuk neglizhon asnjë zonë për të rritur ndikimin e tij në botë. Katari kërkon me ngulm te këtë një vend në hartën e botës, për të pasur peshë të veçantë, për të patur miq me të gjithë botën. Kjo strategji është sot në qendër të skandalit të korrupsionit në Bruksel, ku anëtarët e Parlamentit Evropian – mes tyre edhe një nga nënkryetaret e tij, Eva Kaili – akuzohen se kanë marrë shuma të mëdha parash nga Katari në këmbim të mbrojtjes së interesave të tij. .