Shpëtimi i momentit të fundit i Credit Suisse, mund të ketë parandaluar shpërthimin e krizës aktuale të sistemit bankar, por sidoqoftë, është një marrëveshje e komplikuar për Zvicrën. Shqetësimet se rënia e Credit Suisse do të shkaktonte një tronditje të thellë të bankave, bënë që rregullatorët zviceranë të dilnin me disa opsione të mëdha. Një lidhje me rivalin e saj më të madh, UBS, ofroi edhe shansin më të mirë për të kthyer stabilitetin në sektorin bankar në shkallë globale dhe kombëtare si edhe mbrohti ekonominë zvicerane në plane afatshkurtra. Por, kjo e la zvicrën të ekspozuar ndaj një institucioni të vetëm, të stërmadh financiar, edhe pse ka ende shumë paqartësi se sa e suksesshme do të jetë megashkrirja... “një nga faktet më të dukshme në kërkimet akademike është ai se shkrirja e bankave, rrallë herë funksionon”, thotë Arturo Bris, profesor financash në shkollën zvicerane të biznesit IMD.