Seanca paraprake ndaj kryebashkiakut të Tiranës, Erion Veliaj është shtyrë sërish. Seanca e radhës është caktuar për në datën 5 janar. Shkak u bë ndryshimi i mbrojtjes së Veliajt, i cili kërkoi heqjen e avokatit Artan Gjermeni, ndërsa gjykata caktoi Valentina Teodoreskun avokate kryesisht. Kryebashkiaku Veliaj ka qëndruar deri në fund të seancës, duke ripërsëritur kërkesën e tij për të dalë nga kafazi i qelqtë dhe për të qëndruar pranë avokatit gjatë zhvillimit të seancës. Por, GJKKO ka rrëzuar këtë kërkesë për të dytën herë rradhazi. Avokati i Veliajt, gjatë seancës ka kërkuar që të pezullohen procedurat deri kur kryebashkiaku të ketë mundësinë për t'u njohur me dosjen prej 60 mijë faqesh. Këkesë kjo e cila gjithashtu është rrëzuar. Ndërkohë, as Erion Veliaj dhe as bashkëshortja e tij, Ajola Xoxa nuk kanë bërë ende mbrojtjen e tyre në gjykatë.