Finalizimi i operaionit policor të koduar “Papafingo” ka vënë në pranga një 62 vjeçar, banues në Durrës, i akuzuar për kultivim lëndësh narkotike. Autoritetet policore gjatë kontrollikt të ushtruar në banesën e 62 vjeçarit në lagjen numër 13 në Durrës, konstatuan se ky shtetas e kishte përshtatur banesën, me aparatura që shërbejnë për kultivimin e bimëve narkotike dhe kishte ndërhyrë në matësin e energjisë elektrike. Gjithashtu u proceduan penalisht edhe dy punonjësit e OSHEE-së për shpërdorim detyre. Kjo pasi dy punonjësit njëri 34 dhe tjetri 38 vjeç, me detyrë elektriçist nuk kanë përmbushur detyrën sipas ligjit, duke mos kontrolluar linjën elektrike dhe matësin e energjisë elektrike. Në cilësinë e provës materiale u sekuestruan bimë narkotike canabis sativa dhe pajisje që shërbenin për kultivimin e tyre. Materialet i kaluan Prokurorisë së Rrethit Gjyqësor Durrës, për veprime të mëtejshme.