Thirrjeve të BE që Maqedonia e Veriut të pranojë propozimin e Francës dhe së bashku me Shqipërinë të fillojë sa më parë negociatat me BE, i ëhstë bashkuar të martën edhe Shtëpia e Bardhë. Administrata Biden sinjalizoi të martën se Maqedonia e Veriut duhet të shfrytëzojq mundësinë dhe të hapë rrugën për mbajtjen e konferencës së parë ndër qeveritare me BE ë fillojë negociatat për anëtarësim në BE. Jake Sullivan, këshilltari i sigurisë kombëtare i presidentit amerikan Joe Biden, njoftoi në “Tëitter” se SHBa po inkurajojnë vendin FIQNJË në rrugën e saj evropiane. “Që nga anëtarësimi në NATO, Maqedonia e Veriut ka qenë një aleat i fortë. Ajo gjithashtu mund të japë një kontribut të rëndësishëm për BE-në. Inkurajojmë miqtë tanë të shfrytëzojnë mundësinë për të filluar procesin e anëtarësimit në BE”, shkroi Sullivan.