Shqipëria ka rritur kapacitetet e ushtrisë, por ende jo në nivelin e pritshëm dhe të përballojë krizat në rajonin e Ballkanit Perëndimor. Më 24 shkurt të 2022, Rusia nisi një pushtim ushtarak të Ukrainës, e cila u përshkallëzua më shumë dhe gjithçka flitej në Europë dhe më gjerë, ishte luftë, mbrojtje dhe fuqi ushtarake. Sa i përket fuqisë ushtarake, një studim i këtij viti mbi Fuqinë Globale nxjerr në dritë fakte interesante për vendin tonë. Indeksi i Fuqisë Globale 2023, i hartuar nga Global Fire Poëer e rendit Shqipërinë në vendin e 91-të nga 140 shtete të marra në studim, sa i përket fuqisë së tyre, ushtarake dhe njerëzore. Krahasuar me studimin e një viti më parë, Shqipëria është përmirësuar me 14 shkallë, në 2021 renditej e 115-a në botë dhe e parafundit në rajon. Shqipëria renditet më lart se disa nga vendet e Ballkanit Perëndimor, por garën rajonale e fiton Serbia, e renditur e 58-ta.